គុណសម្បត្តិ និងគុណវិបត្តិ របស់ Facebook

  11:36 AM      Raksmey Angkor

Facebook គឺជាផ្នែកមួយនៃបណ្តាញសង្គមដ៏ធំបំផុត ដែលមានអ្នកប្រើប្រាស់ រាប់ពាន់លាននាក់ ជារៀងរាល់ថ្ងៃ ។ ប៉ុន្ដែ Facebook មានទាំងគុណសម្បត្តិ និងគុណវិបត្តិ គឺវាស្រ័យលើ ការប្រើប្រាស់របស់អ្នក។ ខាងក្រោមនេះ គឺជាគុណសម្បត្តិ និងគុណវិបត្តិ របស់ Facebook: 



I. គុណសម្បត្តិរបស់ Facebook

• Facebook ជា Website ឥតគិតថ្លៃ: តាំងពីពេលចាប់ផ្ដើមមក Facebook បានផ្តល់នូវសេវាឥតគិតថ្លៃដល់អ្នកប្រើប្រាស់ នេះហើយគឺជាអត្ថប្រយោជន៍ដ៏ជធំរបស់ Facebook ។ ទោះបីសេវាកម្មខ្លះ ត្រូវបានលក់ដូរក៏ដោយ ក៏នៅមានជំរើសជាច្រើនសំរាប់អ្នកប្រើប្រាស់ដែរ។
• ក្រុមហ៊ុន Facebook ជួយអ្នកភ្ជាប់ទំនាក់ទំនង និងចែករំលែកជាមួយមនុស្សក្នុងជីវិតរបស់អ្នក។ អ្នកអាចតទាក់ទង និងស្វែងរកមិត្តភក្តិចាស់ៗ ដែលបានបែកគ្នា និងអាចតទាក់ទងជាមួយនឹងសាច់ញាត្តិ ដែលនៅឆ្ងាយផងដែរ។ 
• អ្នកអាចបង្កើតមិត្តភក្ដិថ្មីៗ នៅលើពិភពលោក ដោយប្រើ Text Chat, Messages, Poke, Video Chat និង Group  ជាដើម។
• អ្នកអាចប្រើប្រាស់ Facebook សម្រាប់អាជីវកម្មរបស់អ្នក។ អ្នកអាចលក់ដូរ ផ្សាយពាណិជ្ជកម្ម ពីសេវាកម្ម ឬផលិតផលផ្សេងៗ ដើម្បីរកប្រាក់តាមបណ្ដាញ Internet (Online) ។ អ្នកអាចបង្កើត Page សំរាប់ Promote យីហោរក្រុមហ៊ុនរបស់អ្នកបានដែរ។ 
• Facebook បានផ្តល់នូវ សុវត្ថិភាពដល់គណនី អ្នកប្រើប្រាស់ (User Accounts) និងគោលនយោបាយឯកជន (Privacy Policies) ដែលមានសុត្ថភាពយ៉ាងខ្ពស់បំផុត។
• អ្នកអាចប្រើប្រាស់ Facebook សំរាប់ចែករំលែក ពត៌មាន វីដេអូ ប្លក និង Website របស់អ្នក ទៅកាន់មនុស្សរាប់លានអ្នកនៅលើពីភពលោក។ 
• Facebook បានផ្តល់នូវ App Store និង Game ជាច្រើនដែលអាចលេង ជាមួយមិត្តភក្ដិ ដោយសេរី។ 
• Facebook “Like” button ជួយឲ្យអ្នកមានទំនាក់ទំនង ជាមួយ  Website ដទៃទៀត។ Facebook ក៏មាន App សំរាប់ឲ្យអ្នកបង្កើត Blog និង Website សំរាប់ដាក់ Facebook Comment Box ចូលទៅក្នុង Blog ឬ Website របស់ពួកគេ ដើម្បីឲ្យមានភាពងាយស្រួល ដស់អ្នកទស្សនា ផ្តល់មតិយោបល់។
• បច្ចុប្បន្នមាន Website ជាច្រើនបានអិញ្ញាតឲ្យ អ្នកប្រើប្រាស់អាច Log In ចូលក្នុង Website របស់ពួកគេបាន ដោយគ្រាន់តែមាន Facebook Login ID ។ វាជួយឲ្យអ្នកចំណេញពេលវេលា ក្នុងការចុះឈ្មោះក្នុង Website ដទៃ។ 
• អ្នកអាចប្រើប្រាស់ Facebook ថាជាប្រភពសំរាប់ការជូនដំណឹង និងការទទួលពត៌មាន។ ដូច្នេះ Facebook នៅមានអត្ថប្រយោជន៍ជាច្រើនទៀត បើអ្នកប្រើប្រាស់វាឲ្យបាន ត្រឹមត្រូវ និងមានគោលបំណងជាក់លាក់។

II. គុណវិបត្តិ របស់ Facebook
ទោះបី Facebook មានអត្ថប្រយោជន៍យ៉ាងច្រើន សន្ធឹកសន្ធាប់ក៏ដោយ ក៏វានៅតែមាន គុណវិបត្តដែរ។

• Profile ក្លែងក្លាយ (Fake Profiles): Profile ក្លែងក្លាយ ជាគុណវិបត្តិ ដ៏ធំមួយ របស់ Facebook។ មនុស្សជាច្រើន បានប្រើ Profile និងអត្តសញ្ញាណ ក្លែងក្លាយ ដើម្បីបោកប្រាស់ ឬរំខានយាយីដល់អ្នកដទៃ។ 
• Facebook ធ្វើឲ្យញៀនៈ មានមនុស្សជាច្រើនបានញៀនជាមួយ Facebook ដោយបានបំផ្លាញពេលវេលាដ៏មានតំលៃជាច្រើនរបស់គេ។
• មានអ្នកប្រើប្រាស់ជាច្រើន មិនមានការយល់ដឹងពី Facebook Privacy និង Facebook Policies ជាហេតុដែលបណ្ដាលឲ្យ ពួកគេមានបញ្ហាជាច្រើន ដល់ខ្លួនឯង និងដល់អ្នកដទៃ។
• មានពួក Hackers ជាច្រើនធ្វើ Website របស់គេឲ្យដូច ឬស្រដៀងគ្នាទៅនឹង Facebook ។ គេបាន Send Email ទៅកាន់អ្នកប្រើប្រាស់ ដោយឲ្យគេ Log In ដើម្បីមើលរូបភាពថ្មីៗ មើលវីដេអូប្លែកៗ ឬអានសារពីមិត្តភក្ដិគេ។ នៅពេលដែលគេ ចូលទៅកាន់ Website នោះ វាមានលក្ខណៈដូច Facebook បេះបិទ បន្ទាប់មកពួកគេចាប់ផ្ដើម លួចយក ID និង Passwords របស់អ្នកប្រើប្រាស់ ដោយពួកអ្នកប្រើប្រាស់មិនបានដឹងថា ពត៌មានលំអិតពី Account របស់ខ្លួនត្រូវបានគេលួចឡើយ។ 
• តើអ្នកដឹងទេថា បណ្ដាញសង្គម (ដូចជា Facebook ជាដើម) បានប៉ះពាល់ដល់ ឱកាសការងារ របស់អ្នកដែរឬទេ? នៅពេលអ្នកដាក់ពាក្យរកការងារធ្វើ ជាទូទៅនយោជក បាន Search មើលពត៌មានតាមរយៈបណ្ដាញសង្គម ដើម្បីចង់ដឹងពីអ្នកបន្ថែមទៀត។ ជាចៃដន្យ អ្នកបានដាក់រូបភាពមិនសូវល្អ នៅក្នុង Profile ឬអ្នកប្រហែលជាបញ្ចូលនូវពត៌មានខុស (អាចជាពត៌មានសំរាប់លេងសើចជាដើម) ដែលធ្វើឲ្យនយោជកមានការតក់ស្លុត ឬហួសចិត្ត ហើយសំរេចចិត្តថា មិនផ្ដល់ឱកាសការងារឲ្យអ្នកទេ។

Facebook ក៏មានគុណវិបិត្តជាច្រើដែរ ដែលអាចធ្វើទុក្ខទោសដល់អ្នកប្រើប្រាស់បាន។  ដូចនេះ សូមប្រិយមិត្តអ្នកអាន មេត្តាប្រើប្រាស់ Facebook យ៉ាងប្រុងប្រយ័ត្ន និងប្រើប្រាស់ឲ្យបានត្រឹមត្រូវ ដើម្បីចៀសវាងបញ្ហា ដែលកើតឡើងជាយថាហេតុ នាំឲ្យមានគ្រោះថា្នក់ និងការស្ដាយក្រោយ។ ចំពោះលោកអ្នកជាឪពុកម្ដាយ មេត្ដាពិនិត្យមើលការប្រើប្រាស់ Facebook របស់កូនៗ របស់​លោកអ្នក​ផងដែរ ដើម្បីជួយពួកគេឲ្យប្រើវាបានត្រឹមត្រូវ។ សូមព្រះប្រទានពរ!