គន្លឺះជោគជ័យក្នុងការសម្ភាសន៍ការងារ
ការសម្ភាសន៍ការងារហាក់បីដូចជាមិនដែលទទួលបានងាយៗឡើយ
បើទោះជាអ្នកធ្លាប់បានឆ្លងកាត់ការសម្ភាសន៍រាប់ភ្លេចក៏ដោយ។
អ្នកនឹងត្រូវជួបមនុស្សថ្មីដើម្បីលក់ផលិតផលគឺខ្លួន
និងជំនាញរបស់អ្នក
ហើយជារឿយៗនឹងទទួលបានកំរិតទីបីអំពីអ្វីដែលអ្នកដឹង
ឬក៏មិនដឹង។
នេះគឺជាយោបល់មួយចំនួនពីការសម្ភាសន៍ការងារដើម្បីជួយអោយអ្នក
ត្រៀមខ្លួនសម្ភាសន៍យ៉ាងមានប្រសិទ្ធភាព។
ការត្រៀមខ្លួនបានត្រឹមត្រូវអាចជួយបន្ធូរភាពតានតឹងមួយចំនួនដែល
ពាក់ព័ន្ធក្នុងការសម្ភាសន៍ការងារបាន។
ការអនុវត្តន៍
ត្រូវអនុវត្តន៍លើការឆ្លើយនឹងសំនួរផ្សេងៗក្នុងការសម្ភាសន៍
និងអនុវត្តន៍នូវការឆ្លើយតបរបស់អ្នកទៅនឹងសំនួរ¬
ចម្លើយតាមបែបផែននៃការសម្ភាសន៍ការងារដែលអ្នកធ្វើសម្ភាសន៍ភាគច្រើន
តែងសួរ។
សូមគិតទៅដល់ឧទាហរណ៍ជាក់ស្តែងដែលអ្នកអាចលើកឡើងដើម្បីពិពណ៌នាពី
ជំនាញផ្សេងៗរបស់អ្នកបាន។
ការដែលផ្ដល់នូវភាពជាក់ស្តែងនៃភាពជោគជ័យនានារបស់អ្នកគឺជាវិធី
ដ៏អស្ចារ្យមួយដើម្បីលើកតម្កើងពីបេក្ខភាពរបស់អ្នក។
ត្រូវប្រុងប្រៀប
ត្រៀមការឆ្លើយតបអោយហើយ នោះអ្នកនឹងរួបរាល់សំរាប់សំនួរមួយនោះ
«តើអ្នកដឹងអ្វីខ្លះអំពីក្រមហ៊ុនរបស់ពួកយើង?»។
ត្រូវស្គាល់ពីឈ្មោះរបស់អ្នកធ្វើសម្ភាសន៍រួចត្រូវប្រើវាក្នុង
កំឡុងពេលនៃការសម្ភាសន៍ការងារ។ ប្រសិនបើអ្នកច្បាស់ពីឈ្មោះនោះ
ត្រូវរកនឹក និងសុំឈ្មោះសិនមុននឹងត្រូវសម្ភាសន៍។
សូមព្យាយាមរៀបរាប់ពីអ្វីដែលអ្នកដឹងអំពីក្រុមហ៊ុននោះពេលឆ្លើយនឹង
សំនួរផ្សេងៗ។
ត្រូវមើល
សូមមើលវីឌីអូទាក់ទងនឹងក្បួនសម្ភាសន៍ការងារ,
នោះអ្នកនឹងបានយល់យ៉ាងច្បាស់អំពីសក្តានុភាពនៃនាយោជកម្នាក់
ហើយនិងផ្តល់នូវចំណាប់អារម្មណ៍ដ៏ត្រឹមត្រូវជាក់ជាមិនខាន។
ការត្រៀមខ្លួនជាស្រេច
ត្រូវប្រាកដថាអ្នកស្អាត, មានសណ្ដាប់ធ្នាប់
និងសមរម្យទៅតាមប្រភេទនៃក្រុមហ៊ុនដែលអ្នកនឹងត្រូវសម្ភាសន៍ជាមួយ
។
ត្រូវយកកាបូបស្ពាយស្អាតមួយដោយដាក់ឯកសារថតចម្លងនៃប្រវត្តិរូប
សង្ខេប (Resume) របស់អ្នកទៅជាមួយផង។ រួមទាំងប៊ិចមួយ
និងក្រដាសសំរាប់ធ្វើការកត់ចំណាំផង។
ត្រូវទៅអោយទាន់ពេលវេលា
ត្រូវទៅអោយទាន់ពេលវេលាសំរាប់ការសម្ភាសន៍ការងារ។
ទាន់ពេលមានន័យថាទៅអោយបានមុនពីប្រាំ ទៅដប់នាទី។
ប្រសិនជាចាំបាច់
ចំណាយពេលវេលាខ្លះជិះរកការិយាល័យនោះអោយឃើញជាមុនសិន
នោះអ្នកនឹងដឹងយ៉ាងច្បាស់ពីកន្លែងដែលអ្នកនឹងត្រូវទៅ
និងដឹងថាតើចំណាយពេលប៉ុន្មានដើម្បីទៅដល់ទីនោះ។
ត្រូវរក្សាចិត្តអោយបានស្ងប់
អំឡុងពេលសម្ភាសន៍ការងារសូមព្យាយាមបន្ធូរអារម្មណ៍
និងត្រូវចិត្តអោយបានស្ងប់តាមដែលអាចធ្វើបាន។
គួរចំណាយពេលបន្តិចដើម្បីប្រមូលអារម្មណ៍ឡើងវិញ។
រក្សាការសម្លឹងភ្នែកគ្នាជាមួយអ្នកធ្វើសម្ភាសន៍។
ត្រូវស្ដាប់សំនួរអោយបានចប់សិនមុនពេលអ្នកឆ្លើយ
ហើយត្រូវយកចិត្តទុកដាក់ស្ដាប់
អ្នកច្បាស់ជាមានភាពអាម៉ាស់ប្រសិនបើអ្នកភ្លេចនូវសំនួរដែលគេសួរ
!
បង្ហាញនូវអ្វីដែលអ្នកដឹង
ត្រូវព្យាយាមរៀបរាប់ពីអ្វីដែលអ្នកដឹងអំពីក្រុមហ៊ុននោះពេលឆ្លើយ
នឹងសំនួរផ្សេងៗ។
ក្នុងពេលនៃការពិភាក្សាពីស្នាដៃការងារផ្សេងៗរបស់អ្នក
ត្រូវផ្គូរផ្គងស្នាដៃទាំងនោះទៅនឹងអ្វីដែលក្រុមហ៊ុននោះកំពុង
ស្វែងរក។
ត្រូវតាមអោយជាប់
តាមអោយជាប់ជានិច្ចដោយនិយាយពាក្យថា «អរគុណលោក»
ដែលសម្តែងនូវចំណាប់អារម្មណ៍របស់អ្នកចំពោះមុខតំណែងនោះ។
ប្រសិនបើសម្ភាសន៍ជាមួយនឹងអ្នកធ្វើសម្ភាសន៍ច្រើននាក់
អ្នកត្រូវនិយាយពាក្យអរគុណទៅកាន់ពួកគេគ្រប់គ្នា។
- ហាមដាច់ខាតការយកអត្ថបទ ពីវេបសាយ www.health.com.kh ដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 012 267 277
អត្ថបទស្រាវជ្រាវប្រែសម្រួលដោយកៅគីមស្រេង
ថ្ងៃទី05
កញ្ញា ឆ្នាំ
2011
